Азаматтардың психикалық әл-ауқатының маңыздылығы адамның әл-ауқатының және қоғамның тиімді жұмыс істеуінің негізі болып табылады. Жас ұрпақтың денсаулығын сақтау – мемлекеттің маңызды стратегиялық міндеті, өйткені елдің адами капиталы денсаулығының негізі балалық шақта қаланады.
Парламентаризм институты балалардың психикалық денсаулығын қорғау қызметінің, медициналық-әлеуметтік мекемелердің, күндізгі болу орталықтарының қызметін регламенттейтін нормативтік құқықтық актілерді жетілдіру мәселелері бойынша талдау жүргізді.
Талдау көрсеткендей, Қазақстан Республикасында бүгінгі күні психикалық денсаулықты қорғау қызметі жүйесінің жұмыс істеуіне мүмкіндік беретін құқықтық негіздер құрылған. Мемлекет балалардың психикалық денсаулығын сақтау қызметтерін жаңғырту, дамыту және сапасын жақсарту бойынша бірқатар шаралар қабылдауда. Сондай-ақ, қазіргі уақытта қаралып отырған салада стратегиялық және бағдарламалық құжаттарды қабылдау деңгейінде, сондай-ақ заңға тәуелді актілерді жетілдіру шеңберінде шешілетін бірқатар мәселелер бар екенін атап өту қажет.
Психикалық денсаулықты қорғау қызметтерін дамыту проблемаларының арасында психикалық дамуы ерекше балаларды тәрбиелеп отырған отбасыларды қолдау шаралары мәселелері бөліп көрсетіледі. Психикалық денсаулықты сақтау саласындағы ұлттық саясат тек психикалық проблемалары бар балаларға ғана емес, сонымен қатар оларға күтім жасайтын адамдарға да қатысты болуы керек.
Бүгінгі күні осы саладағы өзекті мәселе мүмкіндігі шектеулі, оның ішінде психикалық және психикалық даму проблемалары бар балаларды күтетін ата-аналар үшін зейнетақы жасын төмендету проблемасы болып табылады. Жалпы зейнетақы жасын төмендету жөніндегі іс-шаралар шеңберінде шет елдердің оң тәжірибесін ескере отырып, мүгедек балаларды тәрбиелеп отырған ата-аналар мен қамқоршылар үшін зейнетақы жасын төмендету мүмкіндігін қарау ұсынылады.
Әлеуметтік Кодекс жобасын дайындау шеңберінде мүгедектігі бар адамдарға, сондай-ақ оларға күтім жасайтын адамдарға төленетін жәрдемақылардың мөлшерін ұлғайту туралы мәселені қарау орынды деп санаймыз.
