Басшылық туралы мәлімет

1962 жылы Жамбыл облысында дүниеге келген. С.М. Киров атындағы Қазақ мемлекеттік университетін заңгер мамандығы бойынша бітірген (1985). Заң ғылымдарының докторы, диссертация тақырыбы: «Қазақстан Республикасының Үкіметі: функциялары, қазіргі кезеңдегі шығармашылық-ұйымдастырушылық және құқық белгілеуші қызметі» (2002).

1985-1986 жылдары-Мәскеу мемлекеттік университетінің стажер-зерттеуші. 1986-1989 жылдары – Қазақстан Ғылым Академиясының Философия және құқық институтының аспиранты. 1990-1992 жылдары-Қазақстан Ғылым Академиясының Мемлекет және құқық институтының ғылыми қызметкері, Қазақстан Республикасы Жоғарғы Кеңесі депутаты С.Зимановтың көмекшісі.

Әр жылдары Қазақстан Республикасы ВЭСМ «Қазақстан сервис» компаниясы бас директорының орынбасары; Қазақстанның ГФР-дағы Сауда өкілінің орынбасары; «Қазақстан әуе жолы» ҰАК сыртқы байланыстар жөніндегі вице-президенті; Қазақстан Республикасы Инвестициялар жөніндегі мемлекеттік комитеттің Жобаларды бағалау және келіссөздер жүргізу дирекциясының менеджері; «Қазақойл» МҰҚ» ЖАҚ Заң департаментінің директоры; Қазақстан Республикасы Премьер-Министрі Кеңсесінің құқықтық сараптама бөлімінің меңгерушісі, заң бөлімінің меңгерушісі, заңнама, қорғаныс және құқық тәртіп бөлімінің меңгерушісі.

Еңбек жолының елеулі кезеңінде ұлттық компанияларда жұмыс істеді. «ҚазТрансГаз» ЖАҚ бас директорының орынбасары; «ҚазМұнайГаз» ҰК» АҚ Құқықтық қамтамасыз ету бойынша басқарушы директоры; «Самұрық «мемлекеттік активтерді басқару жөніндегі қазақстандық холдингі» АҚ және «Самұрық – Қазына» Ұлттық әл-ауқат қоры» АҚ Басқарушы директоры-Басқарма мүшесі болып жұмыс істеді.

2009-2019 жылдары - Қазақстан Республикасы Энергетика және минералды ресурстар министрлігінің, Мұнай және газ министрлігінің және Энергетика министрлігінің жауапты хатшысы.

2019 – 2023 жылдары Қазақстан Республикасы Парламенті Сенатының депутаты, Конституциялық заңнама, сот жүйесі және құқық қорғау органдары комитетінің мүшесі.

2023 жылдың сәуір айынан бастап – «Парламентаризм институты» ШЖҚ РМК директоры.

«Құрмет», «Барыс» ордендерімен марапатталған. «Өтпелі кезеңдегі Қазақстан Республикасының Үкіметі» кітабының авторы.

1961 жылы Талдықорған облысында дүниеге келген. Абай атындағы Қазақ педагогикалық институтын математика пәнінің мұғалімі мамандығы бойынша және Ресей Мемлекеттік әлеуметтік институтын экономист мамандығы бойынша бітірген.

Талдықорған облысы Чапаев орта мектебі мұғалімі, директор орынбасары; Талдықорған облыстық жастар комитетінің төрағасы; Талдықорған облыстық Жастар, спорт және туризм басқармасының бірінші орынбасары лауазымында, жергілікті және орталық атқарушы органдарда басқа да лауазымдарда жұмыс істеді. 1998-2003 жылдары – Қазақстан Республикасы Орталық сайлау комиссиясының консультанты, ақпараттық-талдау бөлімінің меңгерушісі.

2010-2019 жылдары – Қазақстан Республикасы Орталық сайлау комиссиясының мүшесі. 2019-2023 жылдары – Қазақстан Республикасы Парламенті Сенатының депутаты, Конституциялық заңнама, сот жүйесі және құқық қорғау органдары комитетінің мүшесі. Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары.

«Құрмет» және «Парасат» ордендерімен марапатталған.

1967 жылы Шымкент қаласында дүниеге келген. Әл-Фараби атындағы Қазақ мемлекеттік университетін «Заңгер» мамандығы бойынша (1992) бітірген.

Құқық қорғау органдарында және сот жүйесінде жұмыс істеді. 2003-2005 жылдары – Түркістан қалалық сотының төрағасы, 2005-2007 жылдары – Оңтүстік Қазақстан облысы соттарының әкімшісі.

2007-2011 жылдары – Қазақстан Республикасы Парламенті Мәжілісінің IV сайланымының депутаты, Заңнама және сот-құқықтық реформа комитетінің мүшесі. 2021-2023 жылдары – Қазақстан Республикасы Парламенті Мәжілісінің VII сайланымының депутаты.

Сондай-ақ, Қазақстан Республикасының Мемлекеттік қызмет істері агенттігінде басшылық лауазымдарда және Түркістан облысы мен Шымкент қ. Кәсіподақ орталығының басшысы болып жұмыс істеді (2018-2021 жж.).

«Құрмет» орденімен марапатталған.