Қазақстан Республикасының Жоғарғы Сотында Парламентаризм институтының директоры Қ. Б. Сафиновпен кездесу өтті.
Жоғарғы соттың төрағасы Асламбек Мерғалиев кездесуді аша отырып, кассациялық соттардың құрылуы мен жұмыс істеуі туралы көзқарасымен бөлісті.
Парламентаризм институтының директоры Қ. Б. Сафинов бастамаларға қолдау білдіре отырып, алдағы реформаны заңнамалық реттеудің маңыздылығын атап өтті.
Тараптар заңнамалық реттеу мәселелеріне қатысты ұсыныстар әзірлеу бойынша өзара іс-қимыл және ынтымақтастық туралы шешім қабылдады.
Сонымен қатар, тараптар алдын-ала қарау институтын жою, IT-құралдардың көмегімен істің нәтижесін болжау, соттардың жұмысына және заң шығару процесіне жасанды интеллектіні енгізу жөнінде пікір алмасты.
