2023 жылғы 27 қазанда «AMANAT» партиясының Орталық аппаратында «Адам саудасына қарсы іс-қимылдың өзекті мәселелері» атты тақырыпта ҚР ПІБ жанындағы Парламентаризм институты «AMANAT» партиясының Қоғамдық саясат институтымен бірлесіп ұйымдастырған дөңгелек үстел өтті.
Қазақстан адам құқықтары саласындағы 60-тан астам көпжақты әмбебап шарттардың қатысушысы болып табылады, оның ішінде 13 халықаралық Конвенция, шарттар мен келісімдер құлдықтың қазіргі заманғы нысандарына қарсы іс-қимылмен тікелей байланысты.
Бүгінгі таңда Қазақстанда бұл салада жеке заң жоқ, «Қазақстан Республикасында адам саудасына қарсы іс-қимыл туралы» Заң жобасы қазір Парламент Мәжілісінің қарауында.
Өткізілетін іс-шара Қазақстанда адам саудасына қарсы іс-қимыл шараларының құқықтық базасы мен жүйесін қалыптастыру үшін өзекті және маңызды болып табылады.
Дөңгелек үстел жұмысына Қазақстан Республикасы Парламентінің депутаттары, мемлекеттік органдардың, үкіметтік емес ұйымдардың өкілдері, Қазақстанның шетелдік және қазақстандық ғалымдары, заңгерлер қатысты.
Адам саудасына қарсы іс-қимыл саласының өзекті мәселелері қозғалып және талқыланып, Қырғызстан, Тәжікстан және Әзербайжан халықаралық тәжірибесі ұсынылды.
Дөңгелек үстелдің қорытындысы бойынша Парламентке жіберілетін адам саудасына қарсы іс-қимылды заңнамалық реттеу мәселелері бойынша ұсынымдар мен ұсыныстар әзірленетін болады.
