2023 жылғы 8 желтоқсанда А.К. Құсайынов атындағы Еуразия гуманитарлық институтында Құсайынов оқулары: «ХХІ ғасырдағы ғылым мен білім: тенденциялар мен перспективалар» тақырыбында халықаралық ғылыми-тәжірибелік конференция өтті.
Іс-шараның мақсаты - ғылым, білім, педагогика, журналистика, филология, тарих және басқа да гуманитарлық ғылым дамуындағы өзекті мәселелерді зерттеу.
Парламентаризм институты атынан болжау, әлеуметтік-экономикалық талдау және статистика орталығының бас маманы, экономика ғылымдарының кандидаты Ә.А.-Қ. Кәрібаев «Бюджет процесін құқықтық реттеудің өзекті мәселелері: проблемалары мен даму перспективалары» тақырыбы бойынша баяндама жасады.
Іс-шараға 150-ге жуық сарапшы қатысты. Оның ішінде: филологтар, тарихшылар, экономистер, заңгерлер, лингвистер, педагогтар мен оқытушылар, мемлекеттік орган өкілдері, Өзбекстан, Ресей елдерінің сарапшылары.
Конференция қорытындысы бойынша халықаралық ғылыми деректер қоры, индекстелген басылымдарда тезистер жинағын басып шығару жоспарланып отыр.
