Іс-шараны ҚР Президенттің Іс Басқармасы жанындағы Парламентаризм институты мен Астана Мемлекеттік қызмет хабы бірге ұйымдастырып отыр.
Дөңгелек үстел қатысушылары Қазақстан Республикасында жүргізіліп жатқан конституциялық реформаға қатысты парламенттік бақылаудағы өзекті мәселелерді талқылады, «Күшті Президент – ықпалды Парламент – есеп беретін Үкімет» саяси жүйенің формуласын бекіту мәселелерін қарастырды.
Сонымен қатар, парламенттік бақылауды дамыту мемлекеттік басқаруды цифрландыру жөніндегі жалпы бағыттар шеңберінде қаралуы қажеттігін атап өтті. Әсіресе заң шығару процесіне жасанды интелекті іске қосу керектігі айтылды.
Халықаралық конференция жұмысына Қазақстан Республикасы Парламентінің депутаттары, мемлекеттік органдар, жетекші ғылыми ұйымдар мен жоғары оқу орындарының өкілдері, көрнекті қазақстандық және Грузияның заңгер-ғалымдары қатысты.
