Аграрлық мәселелер комитеті 2023 жылғы 6 қарашада С.Сейфуллин атындағы Қазақ агротехникалық зерттеу университетінің Ветеринария және мал шаруашылығы технологиясы факультетінің базасында ветеринариялық және фитосанитариялық қауіпсіздік мәселелері бойынша көшпелі отырыс өткізді.
Іс-шара аясында жануарлардың жұқпалы ауруларын зерттеу және диагностикалау мақсатында құрылған биологиялық қауіпсіздік жөніндегі бірлескен Қазақстан-Қытай зертханасына, сондай-ақ балық шаруашылығы саласындағы қолданбалы зерттеулерді дамыту жөніндегі ғылыми-зерттеу орталығының атқарылған жұмысымен таныстырылды.
Іс-шараның қорытындысы бойынша стратегиялық және бағдарламалық құжаттарды, сондай-ақ ветеринария, карантин және өсімдіктерді қорғау саласындағы нормативтік құқықтық актілерді одан әрі жетілдіру бойынша ұсыныстар жасалды.
Парламентаризм институты Парламент Мәжілісімен өзара іс-қимыл жоспары аясында мүдделі мемлекеттік органдармен және ғылыми сарапшылармен бірлесе отырып, ветеринариялық және фитосанитариялық қызметтердің жұмыс сапасын арттыру бойынша заңнамалық бастамаларды дайындауға белсене атсалысатын болады.
