Дөңгелек үстелді Парламент Сенатының Аграрлық мәселелер, табиғатты пайдалану және ауылдық аумақтарды дамыту комитетінің төрағасы Бектаев Әли Әбдікәрімұлы алғы сөзімен ашты. Іс-шараға Ауыл шаруашылығы вице-министрі, Экология және табиғи ресурстар вице-министрі, ғылыми зерттеу институттары мен жоғарғы оқу орындарының өкілдері жайылымдарды пайдаланудағы құқықтық мәселелерді талқылап, өз ұсыныстарын берді.
Парламентаризм институты директорының орынбасары Сүлеймен Ләззат Жаңылысқызы жайылымдарды басқару және пайдалану саласындағы заңнаманы жетілдіру мәселелеріне қатысты баяндама жасады.
Сонымен қатар, Институттың сарапшылар пулының мүшесі, Әл-Фараби атындағы ҚазҰУ академиялық мәселелер жөніндегі проректоры, заң ғылымдарының докторы, профессор Еркінбаева Ләззат Қалымбекқызы Қазақстандағы жайылымдық экожүйелерді ұтымды пайдалану мен қорғауды құқықтық реттеу мәселелеріне қатысты өзекті мәслелереді көтерді.
