25 сәуір күні Л.Н. Гумилев атындағы Еуразия ұлттық университетінің базасында «Табиғи ресурстық заңнаманы реформалау мәселелері» атты халықаралық ғылыми-тәжірибелік конференцияға атқарушы директор Алмас Қанатов пен Аграрлық мәселелер, экология және табиғатты қорғау заңнамасы орталығының басшысы Маржан Жиенбаева қатысты.
Конференция барысында қоршаған ортаны қорғау және табиғи ресурстарды басқару саласындағы «жасыл экономикаға» көшуді жүзеге асырудың құқықтық негіздері мен тетіктерін жетілдіруге бағытталған Қазақстан Республикасының экологиялық және табиғи ресурстар заңнамасын реформалық дамыту мәселелері талқыланды.
Алмас Қанатов құттықтау сөз сөйлеп, ол жаңа Су кодексінің жобасына тоқталды, оның аясында Парламент Мәжілісі су қауіпсіздігін қамтамасыз ету, елдің әл-ауқатын арттыру, оның ішінде келешек ұрпақтың игілігі үшін су ресурстарын мүдделерінде ұтымды пайдалану саласындағы бірыңғай мемлекеттік саясатты іске асырудың құқықтық негіздері мен тетіктерін жетілдіру мәселелерін қарайды.
Өз кезегінде Маржан Жиенбаева «Су заңнамасын дамыту: суды үнемдеу және сумен қамтамасыз ету» бағыты бойынша ғылыми мақала дайындап, онда су секторын реформалау саласындағы инфрақұрылымды ауыстыру міндетін бірінші кезекте шешуге назар аударды.
Автор бұл мәселенің шешімі ретінде BOT сарқынды суларды тазартуды қаржыландыру моделінің қытай тәжірибесін келтіреді. Мақала конференция материалдарының жинағына енгізіледі.
