2024 жылдың 13 қыркүйегінде ҚР Ішкі істер министрлігінде «Құқық бұзушылықтың алдын алу туралы» жаңа заңды әзірлеуге арналған Қоғамдық кеңестің кезектен тыс отырысы өтті.
Жаңа заңды әзірлеу бастамасы Мемлекет басшысы Қ.Тоқаевтың 2024 жылдың 2 қыркүйектегі «Әділетті Қазақстан: заң мен тәртіп, экономикалық өсу, қоғамдық оптимизм» атты Қазақстан халқына Жолдауынан туындайды.
Мемлекет басшысы өз сөзінде аталған заңды іске асыру биліктің барлық деңгейлерінің белсенді қатысуын және азаматтық қоғамды кеңінен тартуды талап ететінін атап өтті. Бұл заңның үстемдігіне қол жеткізу және әрбір азаматтың қауіпсіздігін қамтамасыз ету үшін қажет.
Отырысқа азаматтық қоғам өкілдері, ҚР ІІМ Қоғамдық кеңесінің төрағасы Рахым Ошақбаев, сондай-ақ Парламент депутаттары, мемлекеттік органдардың өкілдері, ғалымдар мен қоғам қайраткерлері қатысты.
ҚР ПІБ жанындағы Парламентаризм институтының директоры, заң ғылымдарының докторы Қанатбек Сафинов құттықтау сөз сөйледі. Өз сөзінде 2022 жылғы 22 қаңтарда Ішкі істер министрлігінің кеңейтілген алқасында Президент айтқан халықтың құқықтық сауаттылығын арттырудың маңыздылығына назар аударды. Президент құқықтық хабардарлықтың төмендігі жағымсыз әлеуметтік құбылыстардың пайда болуына ықпал ететінін және елдің дамуын бәсеңдететінін атап өтті. Сондықтан мемлекеттік органдар құқықтық нигилизмді жеңу және азаматтар арасында заңға құрмет қалыптастыру үшін белсенді жұмыс істеуі керек екенін атап өтті.
Парламентаризм институты Сенат депутаттарының бастамасымен заң жобасына азаматтардың құқық бұзушылықтардың алдын алу процесіндегі рөлін күшейтуге бағытталған ұсыныстар дайындады, олар ағымдағы жылдың маусым айында «Құқық бұзушылықтардың алдын алу: құқыққа қарсы іс-әрекеттерге нөлдік төзімділік қағидатының негізі» тақырыбында дөңгелек үстелде талқыланды.
Талқылау қорытындысы бойынша қатысушылар заңнамалық ұсыныстар әртүрлі әлеуметтік топтардың пікірлерін ескеруге және елдегі құқық бұзушылықтардың алдын алудың тиімділігін арттыруға мүмкіндік беретінін атап өтті.
