2024 жылдың 18 қыркүйегінде Парламентаризм институты заң шығару мәселелері бойынша пікірталас алаңына айналды. Іс-шараға Елена Бычкова, Сәуле Айтпаева, Әлібек Темербеков, Асқар Қалдыбаев сынды жетекші қазақстандық сарапшылар қатысты.
Кіріспе сөз Институт директоры, заң ғылымдарының докторы Қанатбек Сафиновқа берілді. Директор өз сөзінде заң шығармашылығының әртүрлі аспектілеріне кешенді көзқарастың маңыздылығын атап өтіп, нормативтік актілерді құру процесін тереңірек талдау және түсіну қажеттілігін атап өтті. Сонымен қатар құқықтық нормалардың дәйектілігі мен тиімділігін қамтамасыз ету үшін заң шығарудың әртүрлі деңгейлерінің өзара әрекеттесуінің маңыздылығына тоқталды.
Талқылау барысында заңнамалық актілерді әзірлеу үшін қажетті негізгі қағидаттар бөлінді: гуманизм, ашықтық және жариялылық, ғылыми негізділік, құзыреттілік, жүйелілік және кешенділік.
Сарапшылар бұл принциптерді заңнамада дұрыс қолданудың маңыздылығын атап өтіп, барлық принциптерді әр заңға толық интеграциялау мүмкін бе, әлде құқықтық доктрина оларды жүзеге асырудың негізгі бағыты ретінде қолданылуы керек пе деген сауалды ортаға тастады.
Басқосуда гуманизм принципіне ерекше назар аударылды. Қатысушылар оны құқықтың барлық салаларына қолдануға бола ма, әлде оны пайдалану белгілі бір салалармен шектелуі керек пе деген мәселені талқылады.
Жариялылық пен ашықтық принциптері де қызу пікірталас тудырды. Қатысушылар бір-бірін қаншалықты алмастыратынын немесе толықтыратынын және бір принцип екіншісін сіңіре алатынын қарастырды.
Кездесу нәтижесі бойынша заң шығару үдерісін одан әрі жетілдіру және заңнаманың сапасы бойынша жүйелі жұмыс жүргізу қажеттігін растады. Парламентаризм институты әр заңның дұрыс жазылуы мақсатында осы саладағы зерттеулерді жалғастырады деп сарапшылар қорытындылады.
