Шолпан Саймова, Қоғамдық заңнама және мемлекеттік басқару орталығының жетекшісі, PhD докторы, 2025–2030 жылдарға арналған Қазақстан Республикасының Жергілікті өзін-өзі басқарудың ІІІ Концепциясына ұсыныстарды әзірлеуге белсене қатысты. USAID қолдауымен «Десента» қоғамдық қоры жүзеге асыратын «Қатысушы басқару – ортақ жауапкершілік» жобасы аясында ұйымдастырылған конференция мемлекеттік және азаматтық секторлардың сарапшыларын, ҮЕҰ өкілдері мен белсенділерді біріктірді.
Өз баяндамасында Саймова жергілікті өзін-өзі басқару (ЖӨБ) органдары мен мемлекеттік органдардың функцияларын нақты ажыратудың маңыздылығын ерекше атап өтті. Ол өкілеттіліктердің қайталануын болдырмау және анық емес мәселелерді жою үшін заңнамаға ЖӨБ-тің айрықша құзыреттері мен олардың мемлекеттік органдармен өзара әрекеттесу салаларын айқындайтын нақты ережелер енгізу қажеттігін айтты. Мұндай ажырату мүдделер қақтығысын азайтып, өзара әрекеттесудің тиімділігін арттыруға мүмкіндік береді.
Саймова сондай-ақ ЖӨБ органдарына аумақтарды абаттандыру, жергілікті бюджеттерді бекіту және жарнама орналастыруды реттеу мәселелерін шешу бойынша өкілеттіктерді бекітудің маңыздылығына назар аударды. Бұл шаралар ЖӨБ-тің мемлекеттік органдармен келісуінсіз жедел шешімдер қабылдауына мүмкіндік беріп, жергілікті басқару сапасын жақсартуға ықпал етеді.
Конференцияда азаматтық құқық бұзушылықтарды, мысалы, қатты тұрмыстық қалдықтарды шығаруға ақы төлемеу немесе үй жануарларын ұстау ережелерін бұзуды бақылауға алудың маңыздылығына ерекше көңіл бөлінді. Мұндай құқық бұзушылықтарға жедел әрекет ету және уәкілетті органдарға айыппұл салу үшін ақпарат беру жергілікті бюджеттердің толығуына ықпал етіп, жиналған қаражатты аумақтарды дамытуға бағыттауға мүмкіндік береді.
Сарапшылар әзірлеген ұсыныстар Қазақстан Республикасының Ұлттық экономика министрлігіне тапсырылып, Жергілікті өзін-өзі басқарудың ІІІ Концепциясын әзірлеу барысында ескерілетін болады. Бұл құжат елдегі жергілікті басқару жүйесін одан әрі дамытуға арналған негізгі бағдарламаға айналады.
