27 тамыз күні «Қазмедиа» орталығында«Қазақстан Республикасының Конституциясы: мемлекетшілдікті нығайтудың және құқықүстемдігінің 30 жылы» тақырыбында халықаралық сарапшылық кездесу ұйымдастырылды. Іс-шараның ұйымдастырушылары – «Ауыл» партиясымен Парламентаризм институты.
Талқылаулардың басты өзегі Конституцияныңмемлекеттiң құқықтық негізі әрі саясижаңғыртудың негізгі құралы ретіндегі рөлі болды.
Парламентаризм институтының директоры Наталья Пан атап өткендей, Қазақстан Конституциясы билік тармақтарының бөлінісін бекітіп қана қоймай, мықты парламентаризмді дамытуға жағдай жасады. Ең маңызды өзгерістер қатарында ол Сенаттың негізгі мемлекеттік лауазымдарға кандидатураларды келісу жөніндегі өкілеттіктерін кеңейтуді, заң шығару рәсімдері мен Парламент құрылымын қайта қарауды, бюджет процестеріне парламенттік бақылауды енгізуді, Жоғары аудиторлық палатаны құруды және аралас пропорционалды-мажоритарлық сайлау жүйесінекөшуін атады. Оның айтуынша, бұл реформалар парламентаризм рөлін күшейтіп, мемлекеттікбасқару жүйесіне қоғам сенімін арттырды.
Кездесуге Мәжіліс депутаттары, жетекшізаңгер-ғалымдар, саясаттанушылар мен Қазақстан, Ресей және Қырғызстанның қоғамдық институттары қатысты. Олардың арасында – депутат Марат Башимов, Ресейдің ММЗУ профессоры Игорь Остапович, ҚырғызстанныңЖАМУ профессоры Құндыз Сабирова, Әділет министрлігі жанындағы Заңнама институтыныңдиректоры Индира Аубакирова, Қазақстандық қоғамдық даму институтының басқарма төрағасыНұрбек Матжани, сондай-ақ Dulaty University, Maqsut Narikbayev University, Л. Н. Гумилев атындағы ЕҰУ және басқа да ұйымдардың өкілдерібар.
Кездесудің мақсаты – Конституцияның мемлекетшілдікті нығайтудағы рөлін сараптамалық тұрғыда пайымдау, 2022 жылғы референдумның қорытындыларын талдау және реформалардың құқықтық жүйенің дамуына ықпалын бағамдауболды. Қатысушылар ұлттық конституциялық негіздерді озық халықаралық тәжірибемен ұштастыру қажеттігіне айрықша назар аударды.
Астанада өткен халықаралық сарапшылық кездесу еліміздің Негізгі заңының 30 жылдығы аясында Қазақстанның конституциялық дамуының болашағын талқылаудың маңызды алаңына айналды.
